Despues cu UPP a denuncia cu 3 minister a firma un MB, cu no tabatin kenmerk, ni number ni fecha, nos por a tuma nota di un reaccion basta hostil di tanto Otmar como di señora Xiomara Ruiz -Maduro. Otmar un biaha mas a fulmina contra e proyecto di MEP, esta e WasteAway proyect di Bouldin & Lawson riba cual UPP a reacciona caba, sinembargo e defensa fofo y te hasta infantil di e minister di Finanzas, ta por lo menos peculiar.
E dignitario a bisa na prome instancia cu ta Booshi a saca potret den pura prome cu e MB a sali for di su oficina. Despues ela bin cu e “cheap-shot” cu e tin hopi trabou. Loke a pone e cherry riba e bolo ta e hecho cu dialuna nochi, ata diripente ta aparece e MESUN documento pero awor si cu un kenmerk, un number y un fecha! Hesuu, e fanaticonan y un “periodista” riba payroll di e gobierno POREDmep a fiesta un bol.
Pero e fiesta aki tabata di corto duracion, pasobra como un hende cu no ta manda tur e BAZOOKA di biaha, Booshi a bin cu 2 documento (adhunto cu e articulo aki) cu ta demonstra cu e tres ministernan NO ta INTEGRO dor di firma “bij het kruisje” riba un “fastball” di Otmar. For di e documentonan aki por saca afo cu dia 19 di maart 2019 despues di 4or di atardi e MB aki a ser manda via email pa varios contratista. E email aki a ser manda dor di e directie- secretaresse di DIP, den nomber di e director di DIP. Y guess what: Un MB SIN kenmerk, SIN number y SIN fecha.
Dialuna, 25 di maart, durante dia a ser entrega un documento na oficina di Otmar na unda e grupo di esnan cu a manifesta un siman prome, ta exigi mas hende den e comision cu Otmar kier instala. E carta aki a bin pasobra e firmantenan sa cu mayoria di esnan cu ta den e comision ta un set di muchanan manda di e tal Otmar ey cu no tin e curashi pa contradeci Otmar. Nan tambe sa cu Otmar tin pura cu esaki pa e por sigui previlegia su amigo sponsor venezolano mas ainda. For di e documento aki por saca afo cu ta diahuebs nan a ricibi e MB y un biaha mas guess what, SIN kenmerk, SIN number y SIN fecha. Na e carta aki a ser “ge-niet” e MB cu nan a ricibi diahuebs dia 21 di maart 2019. Remarkabel ta cu e dialuna ey, dia 25 di maart 2019, e MB cu a ser pega na e carta di protesta, guess what tambe ta SIN kenmerk, SIN number y SIN fecha!! Nos ta convenci cu si e MB cu kenmerk etc. etc tabata existi lo esey lo a wordo pega na e carta.
Pa mas o menos 8or anochi di e mesun dialuna ta aparece riba e wall di Xiomara diripente un MB cu e mesun contenido pero e biaha aki cu un kenmerk, un number y un fecha. Ta mas cu claro cu esakinan a wordo poni “ACHTERAF” riba e documento!!! Den nos prome articulo al respecto nos a puntra cu si firma un MB SIN kenmerk ta integro. Sinembargo e hecho cu “ACHTERAF” a corre pone un kenmerk, un number y un fecha ta laga nos pensa cu e acto aki NO ta INTEGRO y te hasta den nos opinion ta un acto CORUPTO.
Pues ta mas cu obvio cu ta den pura a purba di drecha un “blunder” pero haciendo esaki un “blunder” mas grandi ta ser cometi. Un blunder cu un hende cu ta INTEGRO y cu NO ta corupto, hamas lo NO haci. Ta p’esey tambe UPP kier a haci un pregunta publico na e señora cu ta haci e preparacionnan pa e “Integriteitskamer”, si e actonan aki ta INTEGRO?? UPP ta lamenta profundamente cu un persona cu por ser considera como drechi ta presta su mes pa tipo di actonan asina!! Si a pensa miho y no ta laga e Scorpion manipule , elo a reacciona cu un “toontje lager”.