Cacho a pone cu empleado di carwash a cay cu scooter heridando su mes

Washington – Diabierna mainta polis a bay Washington, unda un persona a ariba Scooter a cay y herida su mes.

Na yegada nan a compronde cu e motociclista ta empleado di un car wash, y usando Scooter nan ta move y busca bo auto pa laba y trece bek.

Diabierna mainta e empleado aki un cacho a dicidi pa core su tras, causando cu ela perde control y cay.

Den e caida ela haya basta rasca y golpi, y e tawata keha di basta dolor.

Doño di e Carwash tambe a presenta y hunto cu e doño di e cacho a yega na un areglo.

Ambulance a presenta y a hiba e empleado Hospital pa tratamento medico.