McDonald’s lo participa pa di 10 aña consecutivo den e campaña global: Earth Hour

ORANJESTAD-MAART: Diasabra awor, 30 di Maart, tur restaurant di  McDonald’s den Latino America y Caribe, incluyendo Aruba lo paga tur nan luz no esencial pa uni e campaña di WWF: “Earth Hour”. Pa celebra Earth Hour cu e comunidad di Aruba McDonald’s St. Cruz lo tin un presentacion unico durante e 1 ora aki unda lo tin musica acustico acompaña cu un baile. Esaki lo tuma lugar di 8.30-9.30 pm y henter publico di Aruba ta keda invita..

Earth Hour ta un campaña global cu a cuminsa na aña 2007 como un evento simbolico unda tur luz a wordo paga na Sydney, Australia. Actualmente, e ta e iniciativa mas grandi na mundo pa nos medio ambiente, asina inpirando miyones di persona pa tuma acion y reduci uzo di recurso nan natural dor di paga tur luz pa un ora. Arcos Dorados, e compania cu ta opera e cadena mas grandi di restaurant nan di servicio rapido (QSR) den Latino America y Caribe tambe lo uni na e iniciativa aki.

Segun McDonald’s: “Earth Hour ta un oportunidad pa conscientisa nos cliente nan tocante e importancia di nos media ambiente. Na McDonald’s, nos ta comprometi na un operacion mas sustenibel posibel y ta pesey nos ta implementando diferente iniciativa pa reduci e impacto nan negativo riba nos medio ambiente”.

Hunto cu e iniciativa aki cu ta cai bou di “Recipe for the Future” otro iniciativa nan manera reciclahe y empake sostenibel tambe ta inclui. Actualmente, 90% di empake ta bin for di recursonan renoba. Banda di esaki, 1 restaurant  na Aruba tin un “Natural Program” cu tin como meta pa reduci e consumo di awa y energia dor di re-usa awa condensa, genera dor di sistema nan di aire condiciona.