Bubali – Diaranson atardi a sosode un accidente entre un scooter y un auto na crusada pariba di Super Food.
Mesora un patruya a dirigi su mes pa e sitio pa mira e seriedad di e accidente. Na yegada e patruya a bay over na cera e caminda y desvia trafico evitando cu esaki lo pega.
Na e sitio polis a topa cu un Infinity y un Scooter, e dama cu tawata ariba e scooter a resulta herida.
Por a mira rascanan na rudia y tambe su man drechi fractura.
Segun chauffeur di e Infiniti cu ta un dama tambe, e no a mira e Scooter ora ela bira pa drenta e caya na su man robes. Esaki a causa cu e Scooter tampoco a spera cu e Infiniti ta yega bira, y a pone cu ela dal contra e vehiculo.
Na yegada di Paramediconan, nan a prepara e motociclista y a transporte pa Hospital.