Palm Beach – Diabierna marduga pa mas o menos 1’or a.m Holiday Inn Resort a pidi presencia di polis pa asisti dos muhe turista, segun e turistanan nan lo a wordo viola.
Mesora patruya a bay Holiday Inn, pa scucha kiko a pasa y con nan lo por yuda.
Na yegada agentenan a constata cu e dos muhenan ta pata pata burachi.
Ora nan a mira polis ta manera diabel nan a mira y nan no kier a atende cu polis, nan a manda polisnan cera nan boca.
Polisnan mirando e situacion cu nan ta den a papia cu security pa hiba ambos nan camber, pa nan por bay drumi.
Esaki tampoco a bay bon, paso nan a keda grita masha duro mes e ora marduga ey den Lobby di e hotel.
Polis a puntranan tambe pa haci test medico pa mira si algo a pasanan si of no, tampoco.
Ambos a kies pa bay den un confrontacion cu e polisnan, door di insulta. E agentenan mirando cu si nan move y laganan mas laat lo mester bolbe bay Holiday Inn paso nan lo sigui haci problema.
A bay over na detene tur dos, e parti aki tambe no a bay facil. Nan a morde, skop, papia palabranan di mas sushi cu nan por a pensa. Kiko e dos muhenan aki a bebe Dios so lo sa.
A pidi transportwagen mientras mas agente a yega pa yuda nan coleganan. Na warda tambe un baha rustig for di e transportwagen y e otro tawata reta polis pa bin bahe.
Na su papia nos por compronde cu nan ta di Boston, mirando cu e tawata keda menciona Boston Police.
Ultimamente turistanan ta haciendo cosnan straño, y mayoria ta relaciona cu alcohol of droga. Nan comportacion ta laga hopi di desea.