JE IRAUSQUIN BOULEVARD – Diabierna merdia pa mas o menos 1:50 p.m polis ta ser pidi cu urgencia na e beach di Tamarijn All Inclusive, unda algun persona tawata bezig cu CPR ariba un persona.
Na prome instante polisnan a busca na banda di caminda, unda e prome informacion a drenta esta cu un turista a bira malo banda di caminda. Esaki no tawata corecto.
Na yegada nan lo a wordo indica e sitio exacto y esaki tawata banda di beach.
Na yegada algun persona tawata practicando CPR ariba un homber turista di edad, mientras su casa tawata un ta observando.
Polisnan a pidi presencia di Ambulance cu urgencia, aunke esaki ya tawata na caminda.
Segun informacionnan, e homber lo tawata den lama y posiblemente lo a bira malo den awa. Pa ora a ripara esaki ya algun minuut a pasa, unda ela wordo saca y a cuminsa mesora cu CPR.
Apesar di tur esfuerso haci e turista cu ta un hende homber di edad a fayece. Su señora cu tawata su so a bira hopi emociona, y pa e motibo aki polis a pidi pa Slachtofferhulp pa vang e op.
Den careda di 2:40 Dr Texier ta constata morto di e homber turista.
