Catiri – Diabierna marduga pa mas o menos 2’or varios unidad di polis a wordo manda cu urgencia pa e caminda di Catiri, unda habitantenan a scucha un zonido hopi duro.
Prome patruya na e sitio ta constata dos auto cu a accidenta, un tawata gebolter esta ariba su dak y e otro tawata ariba su banda.
Tawata trata di un Ford Ecosport y un Kia Sportage.
Agentenan mesora a cuminsa chek e situacion di esnan envolvi den e accidente. E vehiculonan despues di e accidente a bay para leu for di otro.
Por a mira cu e ocupante di e Ford Ecosport tawata pafo di e auto y tawata ok. Chauffeur di e Kia Sportage ainda tawata den su auto, esaki debi cu tawata tin su seatbelt bisti.
Un agente a drenta den e auto y a yude los e pa e por a sali.
Polisnan a constata cu e chauffeur di e Kia Sportage tawata bou influencia. Por a scucha e chauffeur ey bisa, e no sa ta con e por a bolter e auto.
Ela wordo hiba warda di Shaba, posiblemente pa wordo getest pa alcohol.
Specialista di trafico tambe a ser poni na altura.
Takelwagen mester a presenta pa bolter ambos vehiculo y despues movenan di caminda.
