Dialuna ultimo delegacion di Aruba a reuni cu e Directorate General for International Cooperation and Development na Bruselas y tambe cu Directorate General for Civil Protection and Humanitarian Aid Operations. Motibo di e reunionnan aki tawata pa logra haya fondo for di Union Europeo pa yuda pais Aruba pa loke ta e situacion di Venezuela. Un caminda cu a wordo inicia door di sr. mr. Ady Thijsen.
DG-DEVCO
Dialuna ultimo delegacion di Aruba a reuni cu director di DEVCO sra. J Butceviciene y su staff.
A duna un splicashon amplio di e trayecto cu presidente di Parlamento a encamina y di e plan di Gobierno. Na mes momento a splica tambe ki rol Staten lo hunga si e fondo wordo aloca pa Aruba.
Despues di e splicashon amplio DG-DEVCO a “commit” nan mes cu e fondonan lo wordo aloca pa pais Aruba. Na mes momento a splica tambe cu otro aña tambe tin fondonan, alrededor di 10 miyon euro, cu pais Aruba por bin na remarca pe.
PA CONCLUI
Na final di e reunion a splica na e delegacion cu nan ta hopi impresiona cu e trabounan cu Minister President, sra. Evelyn Wever-Croes ta haci y tin un aprecio grandi pa su persona.
