Polis a bay cu homber fastioso cu tawata causa molester na turistanan

Palm Beach – Diamars pa mas o menos 9’or di mainta, un patruya di Strand Politie ta bay na e beach dilanti Marriott Beach Resort, pa un homber cu ta haciendo hopi fastioso.

E polisnan a bay na unda e compania di Watersport ta, eynan nan a bin topa cu un homber cu posiblemente ta bou influencia di droga y tawata causando hopi molester na turistanan riba beach.
Autoridad a atende cune y despues a cana bay direccion di e patruya, caminda e agentenan a riste completamente, sin di a haya algo ilicito ariba dje.

Loke si por a nota cu e homber ta un persona cu bastante fastioso. E agentenan a hinke den e patruya y a bay cune for di e sitio.