Polis cu controlnan den trafico no solamente den Oranjestad, pero na varios parti di nos isla

Oranjestad: Diasabra den oranan di anochi varios unidad di polis a subi caya y na diferente parti di nos isla a tene controlnan severo di trafico.

Un grupo di polis a tene un control na altura di Bestuurskantoor, eynan varios automobilista a haya boet, un di e motibonan tabata cu saliendo for di Arnold Schuttestraat pa subi L.G. Smith Boulevard, ta prohibi di bira bay pariba. Hopi chauffeur no ta tene cuenta cu esaki y tur cu a haci’e a haya boet.

Polis tabata controla papelnan di auto cu mester ta na ordo.  Durante control nan a detene un homber cu no tabata tin niun documento den su poder, ela keda transporta pa warda di playa.