Franse Pas – Diasabra mainta pa mas o menos 9:30 a.m polis ta bay cu urgencia den e bocht conoci pa accidente na Franse Pas, unda un auto a bolter.
Na yegada polis ta wordo informa cu den e auto tawata tin un criatura y cu esaki a wordo hiba cu urgencia Imsan, door di auti particulier. E auto cu a bolter lo ta un Toyota Paso color shinishi.
Mesora patruyanan cu tawata bayendo Franse Pas pa cera caminda a desvia y a bay Imsan, pa asina haya mas informacion di situacion di e criatura.
Na Imsan polisnan despues di un rato e auto cu a mucha a ser transporta pa Imsan ta yega, for di dje ta baha e mama cu yiu den man cu hopi sla na cabes.
Histericamente ta bay paden buscando ayudo.
Segun prome informenan, durante cu e auto a bolter e mucha lo a bay cay ariba caminda cu tur e consecuencianan.
Departamento di trafico y tambe BFTO ta na Franse Pas preparando pa cuminsa nan investigacion.
Slachtofferhulp lo ta caminda pa Imsan, pa asina asisti e famia den tur momento.
Den careda di 10’or ambulance a sali direccion Dr Horacio Oduber Hospital cu e mama y e criatura, un persona mas cu tawata den e auto a keda na Imsan.
