Shaba – Diaranson den dia of miho bisa for di oranan di marduga, ladronnan a subi tereno di warda di polis situa na Shaba. Asina mes, manera bo a lesa.
Iluminacion y posiblemente aspectonan di siguridad manera camara ta laga di desea na e warda, y no ta papia di e warda aki so pero di Santa Cruz tambe.
Durante oranan di marduga ladronnan tawata tin tur e tempo di mundo, pa a zag un un of mas tubo di e cura di Shaba y subi e tereno. Esaki tawata pa nan a horta un brommer, na prome instante a papia di varios.
Pero cuerpo policial segun nan conteo, lo ta un so cu ta mas cu dimas. Pakiko? Paso ki mishi bo cura ta vulnerabel pa ladronnan. Algo cu hamas por ta asina, pero lamentablemente ela pasa y a yega di pasa caba.
Loke si no a pasa, ta cu hamas a importa esnan concerni pa pone hisa e aspecto di siguridad, pa proteha esnan cu ta traha oranan di anochi y marduga.
E area patras di warda ta masha facil pa malechornan subi tereno di polis y te pa horta sin wordo detecta.
Prioridad robes probablemente?
