Modanza – Diaranson anochi polis a duna un Toyota Tercel un stopteken altura unda Ruiz ta bende cuminda.
E chauffeur cu posiblemente tawata bayendo su cas, cu ta keda na Modanza a opta pa no stop y a sigui bay.
Asina a start un persecusion cu no a bay mucho leu. E chauffeur aparentemente un hoben a yega su adres na Modanza y baha core bay paden, lagando e auto cendi.
E chauffeur no kier a sali mas pa atende cu polis.
Algun rato despues un señora aparentemente mama di e chauffeur a sali, y a bisa polis cu e mester saca 200 florin y un passport for di e auto.
Polis a bise cu esey lo no ta posibel, paso nan a caba di confisca e auto.
Mientrastanto takelwagen tawata na caminda pa bay cu e vehiculo.
E problema pa polisnan lo bira unda ta bay pone e auto ?
Paso no tin ni un luga pa warda un bicicleta, corda un auto.
Algo cu mester a wordo regla no di awe pero di hopi tempo pasa.
Awor tur dia esnan ariba caya y esunnan na warda ta core cabes di gay, paso no tin mas luga y punto.
Sin papia mes di e criadero di bestia cu e autonan aki ta crea, manera Sangura cu por causa Dengue/Chicunguya/Zika.
Y ta kende ta esunnan prome pa wordo contagia ta e mesun agentenan cu ta na warda y habitantenan rond.
Pues mester bin un solucion awor.
