Weg Fontein – Diasabra mainta polis a bay pura un adres na Weg Fontein, unda cu lo tin un accidente. Dos homber den un Yaris lo ta e causantenan.
Na caminda pa e sitio polis ta wordo bisa cu lo tin pelea y destruccion.
Na yegada polis a topa cu tres homber, di cual dos ta ruman.
Un di e hombernan tawata den e Yaris, e otro a logra huy prome cu polis a yega.
A bin resulta cu e Yaris lo a dal un habitante di e cas ariba su propio tereno, esaki tawata momento cu e tawata yegando su cas na pia.
E habitante a haya algun rasca, pero tawata ok y canando. Esaki tawata momento cu e chauffeur no a warda ariba autoridad y baha core bay.
Pa loke ta e ocupante, e habitante cu a wordo gedal a tene. Pero esaki no a bay facil, paso aki a start e pelea.
Ruman di e victima, esta esun cu auto a dal tawata paden y a tende e pleitamento y a sali bin yuda.
Pero, a resulta cu e ruman aki sea ta completamente ciego of su bista ta basta limita. Durante cu e tawata purba yuda ela haya algun mokete, pero asina mes nan a logra wante e ocupante te ora polis a yega.
Polis a pidi transportwagen pa e ocupante deteni, no tawata tin mester di Ambulance.
Takelwagen si a wordo pidi pa bay cu e Toyota Yaris.