Caya J.E. Yrausquin, Eagle: Diamars den oranan di atardi polis, ambulance y brandweer ta wordo manda na altura di Costa Linda Beach Resort pa un auto cu lo a bolter y cu lo tin hende herida. Tambe a drenta un otro informacion cu e auto lo tabata lek gasolin, pa e motibo ey a pidi pa presencia di brandweer na e sitio.
Na yegada di e patruya a bin topa cu un KIA Sportage V car, numera V23 gebolter y den e auto nan no a topa niun persona, un testigo a bisa polis cu e 4 ocupantenan di e auto a bandona e sitio y a cana bay y a drenta Costa Linda Beach Resort.
Ora ambulance a yega na e sitio, ela wordo dirigi pa Costa Linda pa atende cu esnan cu tabata den e auto. Tur 4 ocupante ta hospedando na e dicho hotel.
Mientras cu personal di ambulance tabata atendiendo cu e ocupantenan di e auto. Un unidad di Brandweer a yega na e sitio y a bay atende cu e lekmento di gasolin for di e auto.
