Parlamentario Endy Croes ta bolbe reitira cu esnan cu a causa desaster na e pais aki y nan kier culpa nos Lider Evelyn Wever Croes of cualkier Minister di algo cu no ta berdad lo nan por spera mi reaccion y semper documenta cu prueba den man. Algun dia atras por a sigui un comunicado di Arthur Dowers den prensa cu alegacionnan contra nos Promer Minister unda el a splica entre otro cu ta oficina na Arulex Building ta e unico oficina di abogado cu ta wordo privilegia cu trabaonan di abogacia.
5.2 miyon pa abogado y amigo di AVP
Mescos cu AVP a haci na 2009 nan kier cuminsa cu storianan falso cual nan no por substancia. Como Parlamentario nos a haci nos trabao mesora pa ta bon informa. Aunke mi mester bisa cu tur compania local estableci akinan y cu ta paga belasting tin derecho di biba y tin derecho di haci trabaonan pa cualkier instancia entre otro gobierno. Mi ta desmenti e ponencia di Dowers totalmente despues di a haci mi investigacion. Straña mi si cu den investigacion cu mi a haci mi a encontra entre otro un abogado Sjiem Fat, amigo intimo di Mike Eman y AVP kende a cobra 5.2 MIYON for di Land Aruba bao gobierno di AVP. Esaki ta sin conta companianan estatal unda tambe el a strica miyones. Dicon Dowers nunca ta papia di e desaster di AVP y nunca ta menciona e abuso di e suma di 5.2 MIYON cu su amigo Sjiem Fat a ranca di e pueblo aki? Esey den bista di Dowers, ex-Minister di Husticia fracasa, ta algo masha normal.
Casa ta cobra 300 mil florin
Den mesun investigacion mi a bin encontra sumanan cu un tal Patricia Dowers a cobra. Ainda mi no a caba pero awe lo refuta algun suma cu mi a encontra den mi investigacion y ta keda en espera di Dowers su reaccion pronto, si ta trata di su casa y ta ki trabao Patricia Dowers aparentemente, casa di Arthur Dowers a haci pa e sumanan aki den e gobierno anterior di AVP? Aki ningun musca no a bula. Van Landskas naar mijn rechterzak? Dowers por clarifica esaki? Patricia Dowers a cobra un total di alrededor 300 MIL florin di gobierno. Atrobe esaki ta sin conta companianan estatal cual awor nos ta bezig ta investiga. Sumanan cu a wordo paga ta entre otro Afl. 43,473!! Afl 51,354!! Afl. 15,300!! Afl. 61,279!! Afl. 36,331!! Afl. 39,778!! Afl.29,597!! Y esaki pa nombra solamente algun. Aparentemente ta sumanan masha normal pa Arthur Dowers? Dowers kier papia di Integridad? Patricia Dowers si mag di cobra sumanan atronomico y ningun otro abogado no mag di traha pa gobierno kisas si su color politico ta geel? Mi ta reta Arthur Dowers pa bin dilanti y bin contradeci mi cu esaki no ta berdad? Mesun momento Dowers por bin dilanti y bin splica cu el a lubida di informa pueblo esaki. Ainda tin mas na caminda di companianan estatal.
Nos mester stop di hunga politica di ‘AVSTRUZ” culpando henter mundo sin mira bo propio actonan di corupcion, Parlamentario Endy Coes ta finalisa bisando Arthur Dowers.
