DOW ta pidi pa baha velocidad na crusada Palm Beach/Wendys

ORANJESTAD – Dia 12 di  februari 2019, alrededor di 7’or di anochi DOW conhuntamente cu KPA tabata na e crusada di Palm Beach/Wendy’s. DOW a laga pone barera mey mey di caminda prome cu yega e crusada di Palm Beach/Wendy’s direccion Oranjestad/Noord y vice versa pa asina automobilistanan por baha nan velocidad ora nan yega e crusada.

Mester menciona cu e piesanan cu falta pa e luznan di trafico ta den funcion bek ta yegando for di Polonia. Por ultimo nos ta pidi tur automobilista pa baha nan velocidad ora di yega e crusada y sigui instruccionnan di e borchinan.