Turista cu no ta mucho bon di salud a forsa su mes den lama y ta bira malo

Mangel Halto – Dialuna den oranan di merdia informacion a drenta cu tin un turista a bira malo na Mangel Halto.

E turista lo a bira malo, durante cu e tawata den lama.

Mesora polis y ambulance a bay na Mangel Halto, unda e turistanan ta baha pa bay snorkel.

Na e sitio nan ta topa cu un homber cu a wordo yuda pa un persona ariba Kayak y a wordo treci canto. E persona aki lo ta sufri di Hypertension y lo a pone dimas stress ora e tawata landando y esaki a causa cu ela bira malo.

Na tera e Paramediconan a atende cu ne.