Despues di eventonan spectacular di eleccionnan di Reina Infantil, Hubenil, Grandi y Señora Carnaval, SMAC ta entrega premionan na e ganadornan di e eleccionnan. Esaki a tuma luga na Sweet Peppers. Tawata un anochi hopi ameno na unda e cantidatanan a topa y a intercambia nan experiencia riba e anochi grandi pa cada un di nan.
E cambionan cu SMAC a trece e aña aki tawata un topico di descusion tambe. Carnival Harbour Arena a yena completamente manera anticipa cu un sold out di tempran caba riba entrada VIP. Tur cantidata a conta cu e apoyo grandi di nan fans. E scenario tawata grandi cu a prermite e cantidatanan haci nan show den tur luho y detaye.
SMAC ta orguyoso di su reinanan y ta desea nan cada un un dushi temporada di Carnaval y pa nan gosa nan aña di reinado.
Un danki grandi ta bay na e comision di reina bou guia di Shelby y Isai pa un bunita organisacion di nos eleccionnan di Reina. Boso trabou incansabel a pone cada reina briya mas.