Na Aruba e cantidad di facilidad mane Parke Jaburibari migo conoci como Parke Curazon ta hopi limita. Awendia apesar cu desde 5or di mainta e lugar aki ta bon bishita pa esnan cu ta cana mainta tempran o esnan cu ta hasi uso di dje den oranan di atardi o anochi ta hanja nan mes encontra cu diferente obstaculo o falta di mantenson. Mayoria di e station unda un persona por hasi exercise awendia ta cubri cu jerbanan halto cu ta crea e peliger cu por tin un bestia indesea presente cu por forma un peliger pa e usuario. Mester pensa na entre otro un Lisimbein (duizendpoot) o un scorpion y asina tin hopi mas cu por menshona.
Loke ta trata e caminda pa cana o core durante tempo a conoce diferente scheur te hasta tin parti cu a zak den otro asina kibrando e asfalt cu tin, formando un peliger directo pa esnan cu ta hasi uso di esaki teniendo na cuenta cu un persona por fractura su enkel o si su pia pega den un di e buraconan den e asfalt e por hasta kibra esaki. Como miembro di e comunidad aki y habitante di e area di Jaburibari mi kier urgi nos minister di deporte y salubiridad su Excelencia Dangui Oduber pa tuma cuenta cu esaki, y sigur lo ta na su lugar pa e lugar aki wordo renoba y modernisa. Semper meta di lugar asina aki ta pa juda nos comunidad na moveshon pa asina hiba un bida saludabel.