Polis ta pone man riba dos persona cu tabata actuando sospechoso na un cas y ambos no por prueba cu nan ta legal riba nos isla

Jaburibari: Dialuna den oranan di merdia, na momento cu un patruya districto Noord tawata patruyando na Jaburibari, e agentenan policial a nota dos persona actuando masha sospechoso mes, na un cas.

E agentenan policial no a pensa dos biaha y a baha bay papia cunan. Ambos persona no tawata local y no por a mustra polis ningun documento valido, cu nan ta legalmente na Aruba.

Polis pa tur seguridad a detenenan y a hibanan Guarda Nos Costa, caminda lo controla si ta legal of ilegal riba nos isla y si ta asina nan lo prepara mas liher cu ta posibel nan deportacion.