Durante detencion na Moomba Beach, homber a guli droga cu mester a wordo bendi

Palm Beach – Diadomingo atardi refuerso (versterking) a wordo pidi na Moomba Beach, un area conoci pa problema.

E motibo tawata cu polisnan a spot a un homber conoci di nan y tin ordo di detencion pa su persona.
Esaki no a bay facil, ela resisti y ta pa e motibo aki a pidi refuerso y transportwagen cu urgencia.

Durante cu a bay pa detene y pa polis no haye cu droga ariba dje (e ta un bendedo) ela guli un contenido cu droga.
Polis a confisca su Scooter tambe, cu e ta usa pa move rond. E hendenan aki ta esunnan cu circula den e area turistico y ta bende droga na esnan cu ta interesa.
Polis ta sospecha cu e tin droga scondi den e Scooter.

Na warda lo bay desmantela e scooter pa mira si por haya mas droga manera nan ta sospecha.