ORANJESTAD, Aruba –Respaldo a tene su fiesta di Pasco, unda cu clientenan di e clinica a bini hunto y a pasa un anochi agradabel. E anochi tabata yena di alegria pa cada cliente, kendenan a disfruta di e cuminda sabroso y di e musica. E anochi tabatin presente grupo di gaita ‘Mensahe y Alegria’ como tambe ‘Tommy y su grupo’ cu a alegra e anochi pa cada cliente cu nan musica di Pasco. E cuminda tabata prepara p’e restaurant Amistad.
E clientenan di Clinica Respaldo a come, baila y canta durante e anochi aki. E ambiente tabata uno hopi ameno.
Dr. Van Gaalen, director medico di Fundacion Respaldo, a expresa cu e ta sumamente contento di mira e clientenan disfrutando di nan cena di Pasco cual a wordo organisa door di un grupo grandi di empleadonan vrijwilligers cu tambe a bini hunto e anochi aki pa atende nan clientenan. Esey ta algo sigur di elogia y admira di e empleadonan di Respaldo.
Despues di basta aña a bolbe organisa un celebracion di Pasco pa e clientenan den e binnentuin. Desde 1 di januari di e aña aki Fundacion Respaldo ta operando e clinica y ta haciendo su maximo esfuerso pa mehora e cuido mental en general na Aruba.