Sasaki – Diahuebs atardi polis y tambe ambulance a bay panort di Superfood, pues ariba Sasaki.
Prome informacion cu drenta ta cu un auto lo a bolter.
Na yegada di polis y despues ambulance, nan a constata cu esaki no tawata e caso.
Na nos yegada por a mira e chauffeur di e Nissan Note canando cu un Paramedico pa bay subi ambulance.
Loke a pasa
E auto aki tawata ariba e otro banda, pues bayendo direccion Oranjestad.
Segun e chauffeur elo a bay desvia pa un auto, y a perde control completo ariba e auto.
Ela kita bay na su man robes, y pasa over di e greppel bay otro banda.
Mirando e drukte e momento ey, tawata un milager cu e momento ey e no a topa frontal cu un otro vehiculo, cu lo no a spera un auto di otro banda di caminda dal e.
Caminda a wordo cera, pa por a bay kita e auto for di caminda, mirando cu e no por move ariba su mesun forsa.