Paardenbaaistraat – Dialuna merdia polis a wordo pidi na Departamento di Labor, caminda lo tin un problema andando.
Tawata trata di un pareha, e homber posiblemente tawata bebi. E muhe cu tawata cune ta un Hulandes di edad, cu ta capta bo atencion na su manera di bisti.
E duo aki lo a bin busca trabou, pero no ta of kier compronde cu ta na DPL nan mester ta.
Aki ta caminda cu cos a bay for di man, e homber a cuminsa grita hasta mencionando nomber di Minister di Labor.
Dado momento elo a cuminsa ranca e muhe pa nan bay, pero e muhe pa un of otro motibo no tawata kier a bay y hasta a cuminsa yora. Un guardia di CEA na Dimas cu lo a scucha desordo a bay trata na calma cos, te ora polis yega.
Na yegada di polis ya e homber a bay di e sitio.
Agentenan cu a baha y a mira e dama cu ta un conoci di nan, a scuche un rato y despues a bira cana bay subiendo auto y bandonando e luga.