Caya Ernesto Petronia – Diabierna marduga polisnan a bay cu urgencia na e Santana panort di Top Car, unda un auto lo a drenta e Santana.
Na yegada di polisnan for di leu por a mira un color blanco hinca den e Santana. Pues e auto cu a resulta di ta un Supra, a perde control y bay dal contra cura di e Santana.
Den e auto tawata tin e chauffeur y e pasahero cu tawata un dama. E chauffeur tawata for di tino y e dama na banda tawata hopi spanta.
Segun version di e dama, nan esta e cu e chauffeur lo tawata tras di un auto cu a hit & run nan. No ta conoci na unda esaki a sosode.
Durante e persecusion y cu velocidad halto e chauffeur di e Supra ta perde control ariba e vehiculo, y ta dal e cura di Santana kibra bay paden.
Durante cu e auto tawata drenta e cura, dos pa tres graf a worddo kibra. Na un di e grafnan un caha di morto tawata visibel.
Paramediconan a prepara ambos persona y a transporta nan pa hospital, mirando cu tawata un impacto hopi duro.