Dama turista levemente herida den e accidente di trafico ariba Sasaki

Sasaki – Diaranson parti mainta polis y ambulance a bay e rotonde Caya Punta Brabo cu ta bay pa hospital. Eynan un accidente di trafico a sosode, y lo tawata tin un dama herida.

Segun nos a compronde na e sitio, e tourbus cu tawata biniendo di e rotonde Sasaki no a duna e truck di Trigas preferencia.

Esaki a causa cu nan a boks. Durante e impacto un dama turista a dal su cabes, na yegada di Paramedico ela wordo atendi na e sitio mes.