Nurianne Arias Helder ta destacando den e magno certamen di beyeza Miss Mundo 2018. Miss Mundo, comparabel cu World Cup den e mundo di beyeza ta mas cu un simpel certamen.
Hopi importante ta e aspecto di personalidad cu e proposito di yuda esnan mas den necesidad. Beyeza cu un proposito ta e parti esencial banda di beyeza y glamour. Aki cada candidata tin cu demostra nan trabow social den comunidad.
Tambe e Head and Head Challenge ta un segmento nobo na unda por conoce cada uno nan atributonan pa comunica y habilidad di papia riba diferente topico.
Aruba ta destacando na Sanya China y na unda un Arubiano ta sobresali y ta exitoso nos tur mester ta orguyoso di nan. Aruba ta constantemente den picture riba social media di Miss Mundo y sigur un propaganda impagabel pa tur loke.Nurianne ta cosecha.
Subi Miss World Aruba su FB page y duna Nurianne e sosten y apoyo. Final di Miss Mundo 2018 ta 8 di December 2018 na Sanya China.