ORANJESTAD – Despues dialuna cu Gobierno di Aruba a ricibi Presupuesto 2019 firma pa Gobernador, na su turno diamars atardi Minister di Finansa, Asuntonan y Economico Sra. mr. Xiomara Ruiz-Maduro acompaña pa Secretario di Conseho di Minister Sra. mr. Grace Koolman a haci entrega di Presupuesto 2019 na Presidente di Parlamento mr. Juan Thijsen den presencia di Griffier di Parlamento mr. Herman Hek. Awor cu Presupuesto 2019 ta entrega e organo legislativo di nos Pais lo cuminsa e proceso pa studia y trata e presupuesto den Comision Central haciendo pregunta na Gobierno y despues di ricibi contesta lo bay yama reunion publico pa debati riba Presupuesto 2019. Minister Ruiz-Maduro a desea Parlamento y su personal hopi forsa y energia den e trabao cu tratamento di Presupuesto 2019.