Adriaan Laclé Boulevard – Diabierna anochi e team di Motor Unit atento a start un control na entrada di Adriaan Laclé Boulevard cu Linear Park.
E control tawata dirigi ariba documentonan di vehiculonan cu mester ta na ordo y tambe coremento di auto bou influencia.
Durante cu nos tawata cubriendo e control, polisnan a haya un cabayero manehando auto bou influencia.
Mesora ela wordo deteni y hiba warda di polis na Playa.
Un otro chauffeur cu ta conoci pa e agentenan aki keto bay ta keda core auto sin ningun papel. Cada biaha cu polisnan stop e ta e mesun storia.
E cabayero aki no ta local, pero varios biaha pa dia sa busca hende na Airport.
Debi cu wardanan di polis no tin luga pa pone ni 1 auto mas a bise e mester pidi un takelwagen. E Van mester a bay ariba e Takel wagen for di e sitio.
Pa dia polisnan ta hayanan confronta cu autonan cu no tin ningun sorto di papel, esaki incluyendo rijbewijs.
Ariba nos camindanan ta un free for all, casonan di hit and run ta na ordo di dia.
