PLAYA PABAO – Diamars, dia 20 di November, nos ta celebra “Dia di Mucha” na Aruba. Riba e dia aki tambe ta celebra “Dia International Di Derecho Di Mucha” . Pa e motibo aki directiva di Centro di Bario Playa Pabao cohuntamente cu Asociacion Trabao di Hubentud na Aruba (ATHA) ta duna reconocemento na nos muchanan den un solo actividad na Centro di Bario Playa Pabao. E actividad aki ta tuma lugar diamars dia 20 di november y ta cuminsa pa 3’or di merdia y lo termina pa 8‘or di anochi. Nos muchanan tin oportunidad pa hunga den “waterslide”, bula riba trampolin y den dinojump, hunga den luchtkasteel, monster truck, pinta cara y participa na diferente wega. Tambe e guera entre mucha homber y mucha muher na unda tin oportunidad tin pa gana un cellular. Tur esaki sin costa mayornan ni un cen preto. Muchanan ta wordo invita pa bin cu nan trahe di baño pasobra ta bay tin un “waterslide”. Pa 6’or lo tin e ora loca na unda muchanan por gana premio y pa 6.30’or ta cuminsa cu un show “Di Hoben Pa Hoben” cu presentacion di gruponan hubenil di baile.Gruponan cu a confirma ta: Chaz Dancers, Candy Dancers y Pierewietje. Y tambe lo tin presentacion di e solistanan hubenil.Sint cu su pietnan lo ta presente pa saluda nos muchanan cu un show cu pietnan a prepara na Spanja. E promer 400 mucha lo recibi un recuerdo di e dia aki. Pues diamars dia 20 di november ta celebra Dia di Mucha y ban duna nos muchanan reconocimento riba e dia importante aki y laga nos manera un famia grandi asisti na e actividad aki cu nos muchanan na Centro di Bario Playa Pabao. Pues mayornan nos ta warda boso y bin compaña bo yiu(nan) na e actividad aki. Lo tin un bar (sin bebida alcoholico) y un cushina cu prijsnan di dia di mucha. Un danki di curason ta bai na Vertegenwoordig van Nederland na Aruba, Aruba Lions Club, Kiwanies y Asociacion Trabao di Hubentud na Aruba pa nan contribucion na e actividad aki. Y no mester lubida e boluntarionan di nos centro y e hobennan di Poder di Hubentud cu lo yuda como bolontario.