L.G. Smith Boulevard – Diabierna marduga den careda di 3’or a.m, varios unidad di polis y tambe ambulance a sali direccion Marriot, caminda un persona lo a cay for di piso.
Den oranan di mainta for di Vocero di polis nos a haya e siguiente informacion oficial di e susedido lamentabel aki.
“Awe diabierna madruga pa 02:47 central di polis ta wordo notifica cu un hende muher lo a cay for di e di 3 piso na Marriot.. Patruya ta bay na e sitio di e sucedido. Na jegada di e patruya por a compronde cu ta trata di un mucha muher turista di 14 aña cu a cay for di e 3 piso na e hotel menciona. E ta kedando hunto cu su mayornan y rumannan . E damita turista ta un “sleepwalker” y pa un descuido e la sali for di e camber sin su famia a ripara. Ambulance a presenta na e sitio y a dune asistencia y a bay cune hospital. E damita a fractura su brasa. Informacion cu nos di cuerpo policial ta dispone di dje ta e mucha muhe ta stabil”.