153
Bubali: Diadomingo den oranan di atardi, un patruya di polis ta wordo manda na Superfood Plaza pa motibo cu un cahera lo a intercepta un papel di 100 dollar falso.
Na yegada e agentenan ta papia cu e dama, kende ta declara cu durante cu un cliente a bay paga su cuenta, ela nota cu e papel di 100 dollar cu ela dune no ta bon y despues di a control’e a constata cu esaki ta falso.
E agentenan na e sitio a bay papia cu e homber cu a paga cu e 100 dollar falso, ela bisa polis cu e no tawata sa cu e papel di 100 dollar aki tawata falso. Segun su persona elo a ricibi e placa aki for di un familiar di dje.
E papel di 100 dollar falso a keda confisca pa polis pa haci mas investigacion.