Ladronnan ta drenta cas, nan ta bay cu croquette y un cartera.
Esaki ta e di shete biaha caba cu Pieter Boer Kleuterschool ta haya bishita indesea di ladron.
Burunbundo, Sabana Basora: Diasabra den careda di 10’or di mainta, patruya di San Nicolas ta bay atende cu un caso di ladronicia na un cas na Burunbundu y tambe na un scol na Sabana Basora.
Na yegada na Burunbundo e victima di ladronicia ta declara na polis cu dia 9 di November den careda di 4’or di atardi ela bandona su cas y a lague na lock. Ela laga su cartera na cas den su camber pasobra e no tabata tin mester di dje. Ora ela yega su cas bek, banda di 8’or di anochi, ela nota enberdad cu e bentana di cushina tabata habri, pero ela kere cu elo a lubida di cere ora ela sali. E persona aki a bay drumi y diasabra ora ela lanta y tabata buska su cartera y no por a haye, ela bin compronde cu desconocinan a drenta su cas y a horta su cartera. Despues ela bay controla y a bin ripara cu tabata falta croquettenan cu e tabata tin den su Frigidaire.
Den e cartera e tabata tin 200 florin, mas su I.D. y su caarchi AZV.
Un poco rato despues un patruya ta bay na Pieterboer Kleuterschool na Sabana basora pa un caso mas di ladronicia.
Na yegada nan ta topa cu un señora di Inicial G., kende ta declara cu desconocidonan a destrui un bentana na e parti panort di e scol caminda ta e bergruimte di e scol.
Ora ela bay controla e opvangruimte ela bin topa cu tur cos reboltea. Ela bisa polis cu esaki ta e di 7 biaha cu e scol aki ta haya bishita di ladron.
Den ambos caso di ladronicia keho a wordo entrega.