Awakatistraat – Altura di ex-Kooyman Dakota un caso serio di maltrato a tuma lugar, unda un dama a keda seriamente herida. E dama a bira victima di un hinkamento, tin entendi cu e a wordo hinka varios biaha.
Momento cu esaki a sosode e victima femenino a wordo transporta den auto di un conocir di dje pa Hospital. Na su yegada mediconan di inmediato a cuminsa na prepara e victima pa operacion, mirando con serio e hinkanan ta.
E dama a perde bastante sanger y aunke cu mediconan a haci nan maximo esfuerso, e victima a fayece pa motibo di e varios lesionan na su curpa y e perdida grandi di sanger.
Polis tin e caminda di Awakatistraat sera pa mas investigacion.
E siguiente ta e relato oficial cu vocero di Cuerpo Policial a publica :
“Awe diaranson atardi pa 6.30 pm central di polis ta wordo informa door di hospital cu un dama cu un hinka a jega na hospital.
Docter Lubbers pa 7.21 pm ta constata morto di Juraima L. Wouter naci na Aruba 25 februari 1984 . Recherche como tambe polis technico a presenta y asina hasi nan investigacion.
Fiscal a laga tuma e curpa den beslag.
Cuerpo Policial ta extende palabra di condolencia y forsa na e famia.”