Auto ta perde control y ta cay den greppel

Hato – Diahuebs den e oranan di madruga polis a wordo informa cu un auto lo a cay den greppel. Esaki a sosode altura di Elmar Hato.

Aki tawata trata di un Suzuki SX4 color shinishi. Na e sitio a bin compronde cu e auto tabata bayendo direccion pabao na e rotonde.

No ta conoci e motibo, pero e chauffeur lo a perde control di su vehiculo , baha caminda y bay cay den e greppel.

Afortunadamente, e chauffeur no a keda herida.