Playa Pabao – Na Centro di Bario Playa tabatin e clausura di e curso di manicure y pedicure. Un curso cu sigur tabata un exito. Di e 10 cursista cu a inscribi solamente 1 a cay afo y esaki tabata pa motibo di trabou. E curso tabata bou di direccion di sra Gilmar Salazar. Hopi atencion a wordo poni tanto riba e parti teoria como practico. E curso a termina cu entrega di certificado.
Na e occacion aki presidente di Centro di Bario Playa Pabao, sr Dennis Burke, a gradeci Sra Salazar pa e manera di a duna e curso y tambe pa e manera cu a negocia pa e curso tuma luga. Tambe sr Burke a felisita cursistanan cu nan certificado. Sr Burke tabatin admiracion con e cursistanan a participa na e curso ya cu nan no tabata falta les. Tambe ela nota cu cusistanan ya tabatin nan maletin cu productonan pa practica manicure y pedicure. E di dos partidi e cursor ta cuminsa otro siman.
Na e curso aki solamente esnan cu a recibi nan certificado di e promer parti por participa. Si tin interes pronto lo ripiti e promer parti. Esnan cu ta interesa por yama telefon 583 7775 y puntra pa e “activiteiten begeleider” pa mas informacion. Esnan cu a recibi nan certificado ta: sra Ciria Lozada-Quandus, sra Laetita Hodge, sra Marline Dijkhoff, sra Stella S. Vrolijk, sra Gladys Pareja Andrade, sra Maricel Pareja Andrade, sra Jennifer Castillo-Ras, sra Mary-Jane Henriquez y sra Shadira Blanco-Clarissa.