109
Cu profundo tristeza partido MEP a ricibi siman pasa e noticia lamentabel di fayecimento di ex-Premier di Hulanda y alavez ex-lider di Partij van de Arbeid (PvdA), sr. Wim Kok. Manera ta conoci, nos partido ruman PvdA ta carga e mesun ideologia cu MEP, esta social democrata y ambos partido semper a lucha pa un mihor bienestar pa e clase obreril.
Ta den e cuadro aki lider di MEP sra. Evelyn Wever-Croes a dirigi un carta na e lider actual di PvdA, sr. Lodewijk Asscher caminda e ta mustra su aprecio y respet pa e gran estadista Wim Kok, cu semper lo keda ser recorda como un politico briyante den Reino Hulandes. Cu Wim Kok sosega na paz den Reino di Señor.