Schotlandstraat/ Italiestraat: Diahuebs den oranan di mainta, presencia di polis ta wordo pidi na Kiekebooh den Schotlandstraat pa un caso di ladronicia, un adicto ambulante a drenta den e negoshi di paña pa mucha Kiekebooh y a bay cu un caha den e caha tabata tin un suma di placa cu a wordo colecta pa e organisacion Clown Doctors Aruba.
Aparentemente algun persona lo a sigui e adicto y nan a nota cu e adicto a bay sconde banda di e edificio di Visser Trading, den Italiestraat.
Mesora polis a bay eybanda, a cuminsa busca y hopi liher a logra pone man riba e adicto ambulante, kende enberdad tabata tin e caha cu placa di donacion pa Clown Doctors Aruba den su poder, mesora e adicto a keda deteni, polis a bay cu e caha.
E adicto a wordo transporta pa warda di polis.