Diasabra atardi polis ta bay cu urgencia altura di Cacique Macuarima, unda lo tin un pelea formal cu machete y tin herida.
Un persona cu a mira nan kap un otro a core avisa polis mesora. E pelea tawata na rotonde Macuarima.
Mirando cu tin hende gekap, a pone ambulance na altura.
Polis den algun minuut a logra topa cu esnan envolvi, tanto esun herida y otro dos hoben.
Tiro a wordo scucha
Polis lo mester a los tiro di advertencia, pa por a calma e hobennan aki cu tawata hopi problematico.
Nos ta papia di tanto esun herida y esnan cu a usa e machete.
Area caminda polis a los tiro y detene e dos hobennan cu tawata tin macheta a wordo cera cu lint.
Mientrastanto na e sitio tawata tin 2 ambulance.
E hoben herida a wordo hinca den e ambulance, door di Paramediconan.
Por a scucha intercambio di palabra formal entre e hoben e herida y e Paramediconan.
A bay asina leu cu un poco mas nan lo a baha for di e ambulance, mirando con onbeschoft e mucha aki tawata estando herida. E hoben lo a ricibi algun kap na pia.
Recherche y departamento tecnico di polis a wordo pidi pa presenta na e sitio, caminda un investigacion lo mester a tuma luga. Segun nos a compronde destruccion lo a wordo cometi den un cas, door di un di e partidonan.
No ta conoci kiko a start e problema aki.
