159
Sero Colorado,Santana di cacho – Diasabra den careda di 3’or di marduga, nos a compronde cu ilegalnan lo a bolbe subi tera.
Patruyanan di San Nicolas y tambe Kust Surveillance tawata esnan encarga cu e accion aki.
Cuater personanan gara
Aparentemente lo ta trata di mas o menos 10 persona cu lo a yega tera. Cuatro di e personanan aki lo a wordo gara, e resto of si tin mas, nan lo a logra scapa. Un boto tambe lo a wordo haya.
Curpa sin bida
Autoridad lo ta topa cu un curpa, aparentemente esaki lo trata di un ilegal. Sexo no ta conoci pa nos.
Mesora a pone autoridadnan competente na altura, manera BFTO cu ta e departamento tecnico.
Autoridad ta na e sitio y Helicopter di Kustwacht buscando pa mas ilegal of curpa.
Nos lo ta pendiente di un relato oficial di parti Cuerpo Policial.
