Amsterdam: Recientemente a tuma lugar un accident na e airport Schiphol, e daño na un Boeing 747- 400 di KLM o tabata enorme, ta wordo calcula cu e gastonan lo bay sali den careda di 30 miyon Euro.
Esaki a sosode na momento cu chauffeur di un pushback truck tabata pushando un Boeing 747-400 di KLM, aparentemente e no lo a pone tino cu tabata tin un Bagage gelader (un plataforma cu ta wordo usa pa hisa carga abordo) den caminda unda e avion mester pasa.
E avion a boks contra e bagage gelader y e daño tabata enorme, el-a destrui un motor masha costoso mes.
Durante e accidente niun pasahero y ni crewmember a resulta herida.
KLM a confirma di e accidente aki y tambe a bisa cu e avion aki lo keda for di circulacion te ora e drecha back, nan no por bisa cuanto tempo elo por bay dura y pesey mesora a pone un otro Boeing 747 na su lugar,un cu nan tin di reserva.
SOURCE: DAILY MAIL ONLINE
