Homber di inicial F sospecha di a viola un dama, a ser translada pa Korrectie Instituut Aruba (K.I.A)

Oranjestad – Aruba
Dialuna mainta trempan e homber di sospecha di a viola un dama algun siman pasa, a wordo hiba K.I.A .

Tawata den oranan di 9’or dialuna mainta cu e homber D.F di 48 aña a wordo translada pa Korrectie Instituut Aruba (K.I.A) . Elo a pasa su prome dianan den cel na warda di polis Santa Cruz.

Manera nos a trece dilanti algun dia atras, e homber aki lo a wordo deteni na Pavia, unda cu elo ta bibando.
E ta sospechoso principal di un caso di violacion sexual, cu lo a tuma luga algun simannan atras den area di Hot Zone na Palm Beach.