SMAC a scoge pa dirigi e campaña pa duna nos hobennan chens di forma parti na nos celebracion, di un manera creativo y educativo.
Participa y bira e AUTOR di e lema di Carnaval 65 y gana: un Samsung Tablet di Minister di Cultura Xiomara Ruiz-Maduro, un cellular Samsung A6 cortesia di Setar, y un cuenta di spaar cortesia di Aruba Bank.
Criterianan pa creacion di e lema ta:
1 E lema mester ta na Papiamento of combinacion cu ingles
2 E lema mester rima cu 65.
3 E lema mester ta maximal 15 palabra.
4 E lema mester tin e palabranan “Carnaval 65” den dje.
5 E lema no mag tin contenido di dobbel sinti.
6 E Lema no mag di ta ofensivo of discriminatorio.
Ultimo fecha pa manda e lema ta 15 di october 2018.
Por haci esaki via pagina di Facebook di Smac of via email na [email protected]
E lema ganador lo ser anuncia 11-11 2018.
Na caminda pa Carnaval 65 por sinti e entusiasmo grandi den e gruponan, e bandanan preparando, y tur e stakeholdernan cu Smac ta reuniendo pa lunanan largo. Lo tin hopi sorpresa pa Carnaval 65.
