ORANJESTAD- CU OTRO EXITOSO ACCION DI LIMPIESA TRAS DI LOMBA, E TEAM DI VOLUNTARIO DI ARUBA REEF CARE FOUNDATION TA SATISFECHO Y TA MIRA DILANTI PA NAN DI 25 ANIVERSARIO NA 2019. DANKI DI CURASON NA TUR VOLUNTARIO Y SPONSPOR, CU ASINA ARUBA SU BEACH Y LAMANAN TIN MENOS DESPERDICIO UN BIAHA MAS. E EVENTO TA WORDO ORGANIZA ANUALMENTE PA UN TEAM GRANDI DI VOLUNTARIO CU TA YUDA COORDINA E EVENTO, BOU LIDERATO DI CASTRO PEREZ Y BYRON BOEKHOUDT. E AÑA AKI ATROBE A FUNGI COMO PROJECT COORDINATOR VERONICA PEREZ, CU A HACI UN TREMENDO TRABOU, DOOR DI COMUNICA VIA E-MAIL Y TELEFOON CU E HOTELNAN, RESTAURANTS NAN Y A ZORG PA REGISTRA VOLUNTARIO.
E AÑA AKI ATROBE HOPI SUSHI A SER COLECTA ROND HENTER ARUBA, FOR DI TRAS DI FARO CALIFORNIA, ARASHI, MALMOK, PALM BEACH, BEACH DI TAMARIJN BAI TE EX BUSHIRI RESORT, FOR DI WILHELMINA PARK BAI PA NEPTALI HENRIQUEZ PARK, E AREA ROND DI SURFSIDE BEACH, MARINA PIRATA PA MANGEL HALTO, ISLA DI ORO, SANTO LARGO, ROGERS BEACH, BABY BEACH, SANTA DI CACHO, BACHELORS BEACH, GRAPE FIELD, BOCA GRANDI Y RINCON Y TE NA SERP COLORADO. TABATA TIN CASI 700 PARTICIPANTE REGISTRA CU A FORMA 34 GRUPO Y NA MAS DI 37LOCACION, TABATA VISIBEL TUR CAMINDA DEN NAN T-SHIRT COLORIDO, PATRONISA DOOR DI ATA. TUR PARTICIPANTE TAMBE A HAÑA LUNCH BOX Y BEBIDA REFRESCANTE, CORTESIA DI HOTEL Y RESTAURANTNAN CU A SPONSOR E EVENTO.
DESPUES DI E ACCION DI LIMPIESA A TENE UN CEREMONIA DI APRECIO, UNDA TA GRADICI TUR E VOLUNTARIO NAN CU A PARTICIPA, Y TAMBE A HASI E RIFA DI VARIOS PREMIO DUNA DOOR DI SPONSORNAN GENEROSO.
TAMBE E SPONSORNAN PRINCIPAL MANERA ATA Y MOURIK NV, SERLIMAR N.V. KENDENAN DESDE INICIO DI E PROYECTO TA APORTA. TOTAL SERVICES, RBC ROYAL BANK, DLVV SANTA ROSA, CENTRO DI PESCA HADICURARI, WEB ARUBA N.V. ARUBA AIRPORT AUTHORITY, GARAGE CENTRAAL, BIX BRANDSIMPORT, VISSERS PHARMA, MAYORIA DI HOTELNAN, RESTAURANTNAN, COMPANIANAN DI WATERSPORTS, NEPTALI HENRIQUEZ PARK Y OTRONAN. SIN NAN CONTRIBUCION, E EVENTO NO POR TABATA EXITOSO.
