ORANJESTAD – E host renombra di Fox Sports Radio tabata di bishita na Aruba pa un siman largo. Aki a tuma oportunidad pa transmiti su programacion envivo desde studionan di Magic FM. Chris Broussard ta un analista di deporte hunto cu su management team a acerca Magic FM pa haci uzo di esaki.
E host tabata mantene contacto cu un otro analista di deporte situa na California y uzando Magic FM su studio pa un siman largo a logra transmiti nan comentarionan desde Aruba y tur cos ‘live’.
Fox Sports Radio ta conta cu un audiencia amplio di miyones di hende. Esaki kiermen cu esaki tabata un bon oportunidad pa Aruba por demostra cu como isla chikito nos tambe por wordo uza pa profesionalnan grandi den e ramo di radio.
Gerencia di Magic FM ta sintie honra pa e oportunidad, mirando cu Magic tabata e unico studio na Aruba cu tabata completamente equipa pa transmiti un programa di e magnitud aki sin complicacion algun. Esaki ta pasobra cu Magic FM semper a keda up to date pa locual ta trata metodonan di operacion den mundo di broadcast. Ta gradici technico di Magic FM, Maiky Wernet cu a haci su best pa establece tur cos y tambe Aldric Croes di ECA NV cu a yuda canalisa e proceso aki. Tanto gerencia di Magic como Broussard a disfruta e intercambio y experiencia aki.