Avenida Wathey Vos: Diamars algo prome cu 9’or y 45 di mainta presencia di polis y ambulance ta wordo pidi cu urgencia na Kooyman Mega Store, pa un homber cu lo a cay di halto y ta herida, aparentemente lo ta trata di un trahador haciendo algun trabou na e dak di e negoshi.
Na yegada enberdad polis ta topa cu e homber drumi riba vloer y ta bin compronde cu durante cu e homber lo tabata haciendo algun trabou na e dak di e negoshi, pa un of otro motibo ela cay di halto.
E homber tabata na tino, pero tawata herida, cu un kap na cabes y tawata keha cu e tin basta dolor na pecho y lomba.
Mesora e agentenan na e sitio a pidi pa ambulance yega cu hopi urgencia, despues cu personal di ambulance a prepara e herido, nan a transport’e cu urgencia pa hospital.
Polisnan na e sitio tambe a manda pidi pa presencia di DTI pa haci mas investigacion na e dak.