Mandolinstraat – Diaranson atardi 5:45 p.m, varios patruya a drenta Tarabana pa atende cu molester di brommer casi tur dia.
Diaranson atardi varios patruya incluyendo di Santa Cruz y Noord a bin reinforsa patruyanan di Oranjestad, pa bay Mandolinstraat. Den e caya aki habitantenan casi tur dia tin molester di sea Scooter, Quadracers y otro tipo di brommernan.
Por a mira patruyanan yega for di diferente caya cu ta conduci pa Mandolinstraat.
Ariba caminda den e caya por mira marca di tirenan, indicando cu e habitantenan cu ta yama polis no ta exagera.
Polisnan a yega y a bay atende cu algun hoben cu ta para tur dia na skina di un cas, hunto cu nan tawata tin un Quadracer. A controla esaki, y a resulta cu un papel no tawata na ordo y e persona a haya un boet.
Segun esnan presente, no ta nan tawata haci desordo pero otro motociclistanan di otro caminda ta bin te Mandolinstraat pa haci fever.
Polisnan tur a bandona e sitio, sabiendo cu esaki lo no ta pa largo.