139
Oranjestad: Diaranson algo pasa di 3’or di marduga ta sosode un atraco arma riba Welldone Snacktruck dilanti rotonde Las Americas.
Cuater hoben den un Jeep Terrios blauw berde cu un rato prome a wordo horta, ta yega na e snacktruck cu un revolver y un cuchui den nan poder, nan ta atraca e empleadonan di e Snacktruck.
E atracadornan a bay cu mil florin cu tabata tin den caha, mas dos cellular y 7 mil florin cu e victima tabata tin den su cartera.
Despues e cuater atracadornan a bandona e sitio den e Diahatsu Terrios Blauw berde, nan a bay direcion nort den Stadionweg.
Segun e victima tur cuater hoben ta color cla y tabata papia bon papiamento.
E patruya na e sitio a tuma tur datos y a pidi pa presencia di atraco team y slachtofferhulp.
