Dama turista canando cu su pareha ta sak den otro y ta bay for di tino

Oranjestad: Diamars den careda di 6’or y mey, un pareha despues di a come algo, nan a bay dal un cana y na altura di Royal Plaza e dama turista canando ta sak den otro y ta bay for di tino.

Segun su pareha e dama no ta sufri di ningun enfermedad, e dama tabata for di tino pero tabata halando rosea si.

Mesora a pidi pa presencia di polis y di ambulance, na yegada personal di ambulance a trat’e y mesora a prepara e dama pa transporte cu urgencia pa hospital. E dama tabata for di tino ainda na momento cu ela wordo transporta pa hospital.

Aparentemente elo a intoxica di algo cu elo a come of bebe.